Татар токымлы атларны сатып алу һәм тоту өчен субсидияләр алырга мөмкин Бу хакта бүген Татарстан Республикасы Авыл хуҗалыгы һәм азык-төлек министры урынбасары Ленар Гарипов хәбәр итте.

Татар токымлы атларны сатып алу һәм тоту өчен субсидияләр алырга мөмкин
Бу хакта бүген Татарстан Республикасы Авыл хуҗалыгы һәм азык-төлек министры урынбасары Ленар Гарипов хәбәр итте.
Исегезгә төшерәбез, 2019 елның 6 февралендә сакланыла торган селекция казанышлары дәүләт реестрында татар токымлы атларга патент теркәлгән. 7-8 сәгать дәвамында өзлексез хәрәкәттә булырга һәм 100-120 км ара үтәргә сәләтле татар атларының феноменаль чыдамлылыгын Россия иппология фәне дә билгеләп үтә.
Әйтик, 8-10 ел дәвамында атларны торгызу белән Әлки районының Әхмәт авылыннан фермер Фәнис Бакиров шөгыльләнде. Аның өчен Татарстан Республикасы Авыл хуҗалыгы һәм азык-төлек министрлыгы гранты зур ярдәм булды, ул гаилә фермаларын үстерү буенча дәүләт программасында катнашу ярдәмендә алды.
Бу хакта тулырак Татарстан Республикасы Авыл хуҗалыгы һәм азык-төлек министрлыгы ярдәме белән татар телендә дөнья күргән «Татар атлары» китабында укырга мөмкин. Китапта татар атларының төп токым билгеләре тасвирланган: экстерьер, масть, конституция, продуктивлык һәм чыдамлык.
Татар токымлы атлар Татарстан Республикасының чын байлыгы булды һәм хәтта «Зөләйха күзләрен ача»тарихи фильмын төшерүдә катнашырга да өлгерделәр. Төп герой Кремльгә нәкъ менә татар атында бара.
Татарстанда барлыгы 646 баш татар аты исәпләнә. 3 хуҗалык үзенчәлекле булып тора: Лениногорск районыннан «Нәбиуллин Ф.М.» ИП, Әлки районыннан «Бакиров Ф. Р.» КФХ һәм «Племрепродуктор " ҖЧҖ.Теләче районыннан Гыйниятуллина С. Ш.
Министр урынбасары тарихи татар ат токымын торгызу кирәклегенә игътибар итте. Бу максатлар өчен республикада аларны сатып алу һәм карап тоту өчен субсидияләр каралган. Тарихи татар токымын торгызу өчен атларның баш санын алуга бәйле чыгымнарның бер өлешен каплауга 60% бирелә, ә ана баш санын тотуга бәйле чыгымнарның бер өлешен каплауга – татар токымындагы атның 1 башына 20 мең сум бирелә. Субсидия ел саен татар токымлы атларның баш санын саклап калганда бирелә. Субсидия бирү шарты булып, һәр атка нәселле таныклык яки паспорт алу тора.
Фото: Олег Маковский « "Аргамак" журналы»
Татар версиясе яңалыклар: http://agro.tatarstan.ru/tat/index.htm/news/1713787.htm
Татарстан Республикасы Авыл хуҗалыгы һәм азык-төлек министрлыгы матбугат хезмәте