Кукморский муниципальный район

Гафият ага турниры

12 апреля 2012 г., четверг

"Сәясәт ул - икътисадның чагылышы", - дип юкка гына әйтелмидер. Болгавыр чорларда азапланганнан соң, аякка басып, "Восток" хуҗалыгының элекке егәре кайта башлауга, Ядегәрдә Россиянең атказанган авыл хуҗалыгы хезмәткәре, күпсанлы орден-медальләр кавалеры Гафият ага Гарифуллин исемендәге призга балалар арасында милли көрәш турниры яңадан үткәрелә башлады. Востоклыларның уртача айлык хезмәт хакы тугыз мең сум булып, тулысынча вакытында түләнеп барыла - натуралата түгел, акчалата! Чөнки мул азык запасы тупланып, фермаларда эш тиешенчә оештырылгач, хуҗалык көн саен сигез тонналап сөт сата. Чәчүлек орлыклар әзер, техника язгы чәчү эшләренә ремонтлап куелган, әле, әнә, өр-яңа МТЗ-1221 тракторы алып кайтканнар.

-Эш белән бергә социаль мәсьәләләрне дә онытмыйбыз, - ди хуҗалыкның башкаручы директоры Алексей Леонтьев. - Гафият ага өчен хуҗалык тормышында вак мәсьәләләр булмаган, безгә дә аның исеменә тап төшерми эшләргә кирәк. Ул бик кунакчыл булган, диләр. Турнирга Мари иленнән Бәрәңге районы көрәшчеләренең килүе үзе бер ямь булды.
Көрәш турниры 12 үлчәү категориясендә үткәрелеп, йөзәрләгән бала осталыгын шомартты ул көнне. Ярославль сабантуе батыры Фирдүс Гаязов (Олыяз) баллар аермасы белән чираттагы көндәшен откач:
-Монда көндәшләр Ярославльдәгеләрдән көчлерәк, чистага егу икеле, - дип куйды.
Ә җиңүне менә кемнәр яулады:
26 кг. Инсаф Кәримуллин (Байлангар).
29 кг. Палинарт Бушков (Марий Эл).
32 кг. Анатолий Данилов (Нырья).
36 кг. Айнур Галимҗанов (Адай).
40 кг. Илмир Садыйков (Ядегәр).
43 кг. Салават Рәхимҗанов (Ядегәр).
Югары үлчәүдә Фирдүс Гаязов (Олыяз).

ЧИТАТЬ ВСЕ НОВОСТИ