Австралиядан кайткан якташыбыз София Вәлиеффның рәсем күргәзмәсе белән танышу

Казанның Милли музеенда Австралиядән кайткан якташыбыз София Вәлиеффның рәсем күргәзмәсе оештырылды. Күргәзмәдә аның дуслары, Апастан һәм Кукмарадан якташлары һәм София Вәлиеффның иҗаты белән кызыксынган тамашачы җыйналган иде. София Вәлиефф иҗатына  ТР Мәдәният министрлыгыннан Эльвира Камалова, язучы һәм дәүләт эшлеклесе Разил Вәлиев, Татар конгрессыннан Данис Шакиров, якташыбыз - филология фәннәре докторы Фоат Галимуллин, тарих фәннәре докторы Искәндәр Гыйләҗевлар үзләренең фикерләрен һәм рәхмәт сүзләрен җиткерделәр. Күргәзмә бик уңышлы узды. Анда Вәлиеффлар гаиләсенең буыннардан-буыннарга күчеп сакланып калган шәхси әйберләр тупланмасы да урнаштырылган иде.