Самарада Бөтенроссия авыл Сабан Туен оештыру мәсьәләләре турында фикер алыштылар
Самарада Бөтенроссия авыл Сабан Туен оештыру мәсьәләләре турында фикер алыштылар
Бүген Самара өлкәсе губернаторы администрациясе бинасында Камышлы районында Х Бөтенроссия авыл Сабантуена әзерлек буенча фикер алыштылар. Оештыру комитетының эшлекле очрашуы Татарстан премьер-министры урынбасары, Бөтендөнья татар конгрессы Милли советы рәисе Васил Шәйхразиев катнашында узды.
Бөтенроссия авыл Сабан туена рекордлы санда кунаклар килер дип көтелә — илнең 30 дан артык төбәгеннән берничә мең кеше. Бәйрәм тантанасында Татарстан Республикасы Президенты Рөстәм Миңнеханов катнашыр дип көтелә. Беренче көнне-28 июньдә Татарстан сәнгать осталары концерты була. Икенче көнне, 29 июньдә, төп бәйрәм-Сабантуй –
Самара өлкәсе губернаторы администрациясе башлыгы вазыйфаларын башкаручы Юрий Рожин кунакларга сәламләү сүзе белән мөрәҗәгать итте. Ул билгеләп үткәнчә, Саратов өлкәсе белән Татарстанны тыгыз хезмәттәшлек бәйли. Ул Самара өлкәсендә Бөтенроссия авыл Сабантуе уртак көч белән иң югары дәрәҗәдә узар дип ышаныч белдерде.
Васил Шәйхразиев Бөтенроссия авыл Сабантуена әзерлек барышы турында сөйләде. Ул бәйрәмгә төрле милләт кешеләре җыелыр һәм вакытны күңелле итеп уздырыр — милли уеннарда катнашыр, татар көрәшен карарга, милли ризыкларны таратыр, дигән ышаныч белдерде. Бөтенроссия авыл Сабантуе берләштерүче һәм халыкның бердәмлеген күрсәтүче мәйданчык булырга тиеш, диде Васил Шәйхразиев.
Самара өлкәсенә йөкләнгән милли бәйрәмнең оештыру мизгелләре турында Самара өлкәсенең Камышлы районы башлыгы Рафаэль Баһаветдинов сөйләде.
Быел авыл Сабантуен оештыруда Татарстанның Кукмара районы булыша. Район башлыгы Сергей Димитриев Сабантуй узачак мәйданда Татарстан утарын булдыру буенча эшләр турында сөйләде.
Сабантуйның мәдәни программасы үзенчәлекләре турында Татарстан мәдәният министры урынбасары Ленар Хәкимҗанов һәм Самара өлкәсе Мәдәният министры урынбасары Ирина Калягина сөйләде.