Уен программасы “Бездә кунакта Сәламәтлек”

2019 елның 8 апреле, дүшәмбе

8 апрель көнне балалар китапханәсе хезмәткәре Алсу Багавиева Ч.Айтматов исемендәге гимназиянең 3б сыйныф укучылары өчен Бөтендөнья сәламәтлек көненә багышланган “Бездә кунакта Сәламәтлек” дип исемләнгән уен программасы үткәрде. Балалар кеше организмының үзенчәлекләре турында презентация карады, сәламәт булып үсәр өчен үз сәламәтлегеңне ничек кайгыртырга кирәклеге турында киңәшләр тыңлады. Укучылар табышмакларга җавап тапты, викторина сорауларына җавап бирде, сәламәт яшәү темасына карата мәкальләр һәм әйтемнәр искә төшерде. Сәламәтлек турында язылган китапларга күзәтү ясалды.