“Без төрле, әмма барыбыз бергә”
19нчы апрель көнне Кукмара шәһәренең “Милосердие”тернәкләндерү үзәгендә логопед Хөсәенова Люция Хәйдәр кызы тарафыннан “Без төрле, әмма барыбыз бергә”дип аталган чара үткәрелде. Төрле милләт кешеләренә карата ихтирамлы мөнәсәбәт тәрбияләү; дус гаилә, тату төркем кебек әхлакый кыйммәтләр формалаштыру – чараның төп бурычлары итеп алынды.
Безнең үзәгебездә төрле милләт балалары йөри. Алар бу чарада үзләренең гаиләләре, гореф – гадәтләре турында сөйләде. Кешеләргә карата хөрмәт хисен кече яшьтән үк тәрбияләргә кирәген ачыкладылар. Ә хөрмәт, дуслык, яхшылык, әдәплелек кебек сыйфатлар – аларга аралашырга ярдәм итә. Шулай ук балалар табышмаклар чиште, шигырьләр укыдылар , дуслык һәм кешелеклелек турындагы мәкальләрнең мәгънәсен аңлаттылар. Чара җырлар белән үрелеп барды, видеоролик күрсәтелде.
Бу чарадан алган хис-кичерешләрен балалар үзләренең матур рәсемнәрендә чагылдырдылар.