Кукмарага Татарстан Президенты килде
2019 елның 24 апреле, чәршәмбе
Кичэ районыбызда куркынычсызлык Советы, терроризмга һәм наркоманиягә каршы республика комиссияләренең берләштерелгән утырышы үткәрелде.
Шул максаттан Кукмарага Татарстан Республикасы Президенты Рөстәм Миңнеханов килде. Ул иң элек “Мастер и Камень Индустрия” җәмгыяте эшчәнлеге белән танышты.
Әлеге чарада катнашучылар игътибарына Мәдәният йортында районның шушы юнәлешләрдә алып барылучы эшен чагылдырган күргәзмә тәкъдим ителде. Анда шулай ук районыбызда җитештерелгән азык-төлек һәм башка төр продукция дә урын алган иде.
Киңәшмәдә терроризм, экстремизм, наркоманиягә каршы көрәш юллары, бу өлкәдәге проблемалар турында сөйләшенде, киләчәккә бурычлар билгеләнде.
фото: Фәнил Мәрсетдинов
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз