27 июньдә «Зилант» СПК пляж волейболы мәйданчыгында Яшьләр көненә багышланган ир-атлар һәм хатын-кызлар арасында пляж волейболы буенча турнир узды.

2019 елның 27 июне, пәнҗешәмбе

27 июньдә «Зилант» СПК пляж волейболы мәйданчыгында Яшьләр  көненә багышланган ир-атлар һәм хатын-кызлар арасында пляж волейболы буенча турнир узды. Ярышларда 6 ир-ат һәм 5 хатын-кыз командалары катнашты. Ир атлар арасында 1 урынны  Эдуард Ястребов һәм Айзат Никитин яулады, икенче урында Никита Исаев  һәм Самат Ганиев, өченче урында Никита Сергеев  һәм Амир Яминов. Кызлар арасында Фәридә Галимҗанова  һәм  Энҗе Шафигуллина беренче булдылар , икенче урында- Алия Вахитова һәм Алия Закирова, өченче урында-Азалия Шаймарданова һәм Илүзә Кашапова.Җиңүчеләр һәм призерлар мактау грамоталары, медальләр һәм акчалата призлар белән бүләкләнделәр.