Татарстанда кыр көне – 2019 кысаларында терлекчелек мәсьәләләре буенча түгәрәк өстәлләр узды
Бүген Татарстан Республикасы Авыл хуҗалыгы һәм азык – төлек министрының беренче урынбасары Николай Титов һәм Татарстан Республикасы Авыл хуҗалыгы һәм азык-төлек министры урынбасары Нәҗип Хаҗипов Татарстанда кыр көне-2019 эшлекле программасы кысаларында терлекчелек белгечләре белән түгәрәк өстәлләр уздырдылар.
Сөт терлекчелеге буенча түгәрәк өстәлне ачып, Нәҗип Хаҗипов: «узган айда республика беренче тапкыр сөт җитештерү буенча 4000 тонна чикне узды», - дип билгеләп үтте. Ул шулай ук моңа зур өлеш керткән районнарны да атады. Алар арасында Әтнә, Кукмара һәм Балтач районнары бар. "Алар тәүлегенә 200 тоннадан артык сөт савуны ышанычлы тоталар", - дип өстәде Нәҗип Хаҗипов.
Исегезгә төшерәбез, 2 июльдә кыр көне кысаларында шулай ук машина белән сыер саву операторларының республика конкурсы узды.
Шуны да билгеләп үтәргә кирәк, сөт терлекчелеге Татарстан агросәнәгать комплексының өстенлекле юнәлешләренең берсе булып тора һәм, сөт җитештерүгә һәм сатуга ярдәм итү буенча чаралар комплексын гамәлгә ашыру нәтиҗәсендә, уңай нәтиҗәләр билгеләнә. Татарстан Россия Федерациясе субъектлары арасында сөт җитештерү күләме һәм сату буенча алда бара.
Сөт терлекчелеге буенча түгәрәк өстәл кысаларында катнашучылар шулай ук генетик селекция, терлекләр үрчетү нәтиҗәлелеге, ашату һәм карап тоту технологияләре, сөт терлекчелеге өчен төрле токымлы сыерлар токымнары, шулай ук тармак өчен башка актуаль мәсьәләләр буенча фикер алыштылар.
Аннары катнашучылар Татарстан Республикасы сөт җитештерүчеләр Берлеге директоры Денис Пирогов белән бергә эшне дәвам иттеләр. Ул 2019-2024 елларга Татарстанда сөт тармагын үстерү бурычлары һәм мөмкинлекләре, сөт сатып алу бәяләре динамикасы һәм сөт базары балансы буенча чаралар күрү турында сөйләде.
Эшлекле программа кысаларында шулай ук ит терлекчелеге буенча түгәрәк өстәл узды, ул авыл хуҗалыгы предприятиеләренең икътисадчыларын да җыйды. Катнашучылар терлекләр үрчетү проблемаларын, терлек үрчетүдә чыгымнарны исәпкә алу мәсьәләләрен һәм терлекләрне ашату һәм тоту үзенчәлекләрен карадылар. Чарада катнашучылар алдында ит терлекчелеге белән шөгыльләнүче авыл хуҗалыгы җитештерүчеләре чыгыш ясады, алар арасында Америкадан килгән кунак Джон Аскоу да бар иде. Ул Татарстанның Актаныш районында симертү базасын төзү буенча үз тәҗрибәсе һәм планнары белән уртаклашты. Регионның өстенлекләре турында сөйләгәндә, ул Татарстанда ит терлекчелеге өчен яхшы азык базасы булуын билгеләп үтте.
Чара ахырында авыл хуҗалыгы предприятиеләренең икътисадчылары арасында үткәрелгән конкурска йомгак ясалды. Алар арасында 1 урынны «Яңарыш» агрофирмасыннан Гөлнара Насыйрова алды, теоретик белемнәр һәм практик күнекмәләр югары дәрәҗәдә күрсәтелде. Икенче урынны «Нөркәй» агрофирмасыннан Зөлфия Котдусова алды, ә 3нче урынны «Идел Аръягы»ВЗПДАН Айна Гайнуллина алды.
Татар версиясе яңалыклар: http://agro.tatarstan.ru/tat/index.htm/news/1509246.htm
Татарстан Республикасы Авыл хуҗалыгы һәм азык – төлек министрлыгының Матбугат хезмәте