Җирле шагыйрә Миләүшә Роберт кызы Әхмәдуллинаның «Язмыш ачы - яшәү бәхет»дип исемләнгән китабын тәкъдим итү кичәсе
18 июль көнне Күкшел авылы китапханәчесе мәдәният йорты хезмәткәрләре белән берлектә җирле шагыйрә Миләүшә Роберт кызы Әхмәдуллинаның «Язмыш ачы - яшәү бәхет»дип исемләнгән китабын тәкъдим итү кичәсе үткәрде. Ничек кенә булмасын, бу китапларда язылган бар нәрсә дә аларның йөрәкләре һәм күңелләре аша үтте бит. Чарада тантана сәбәпчесенең туганнары, сыйныфташлары, дуслары катнашты. Бу чарада Миләүшә Роберт кызы хөрмәтенә бик күп яхшы сүзләр әйтелде. Кичә дәвамында кунаклар башкаруында авторның шигырьләре яңгырады. Әлеге китап залда утыручыларны кызыксындырды. Бик күп теләкләр һәм фикерләр әйтелде. Автор "Татарстан Республикасы Кукмара муниципаль районы ҮКСы" МБУ директоры Р.Х. Касыймовага, "Хезмәт даны" редакциясе журналисты Р. Миңнегалиевка аерым рәхмәт белдерде.
Презентация, чәчәкләр, бүләкләр, музыкаль номерлар, котлаулар, ә иң мөһиме-яңа китап-болар барысы да катнашучылар өчен чын бәйрәмгә әверелде.