Өлкәннәр көненә багышланган декада кысаларында, район мәдәният йортының иҗат коллективы өлкәннәр өчен "НАЗ "социаль ярдәм үзәгендә тернәкләнү курслары узучы хәйрия концерты куйды

С.В. Михалков исемендәге үзәк балалар китапханәсендә 3нче мәктәпнең 8а сыйныф укучылары өчен китапханәче Алевтина Асанова «Наркомания – билгесезлеккә юл» мәгълүмати әңгәмә уздырды. Әңгәмә барышында балалар наркоманиянең зыяны, кешенең сәламәтлегенә һәм тормышына зыянлы йогынты ясавы турында белделәр. Чара китапларга күзәтү белән тәмамланды.

24 апрельдә С.В. Михалков исемендәге үзәк балалар китапханәсендә  4 нче мәктәпнең 6б сыйныф укучылары өчен Алевтина Асанова Халыкара радиация аварияләре һәм һәлакәтләре корбаннарын искә алу көненә багышланган «Чернобыль-вакыйгалар һәм дәресләр» дигән мәгълүмати сәгать үткәрде. Балалар «Чернобыль» дигән видеофильм карады, авариянең ничек булуын, станцияне коткарырга кемнең беренче булып килүен һәм үз гомерләре бәрабәренә янгынны сүндерүен, бу коточкыч фаҗигагә китергән сәбәпләрне белделәр, квиз сорауларына җавап бирделәр.  

23 апрель көнне С.В. Михалков исемендәге үзәк балалар китапханәсендә «Кыңгырау» балалар бакчасының әзерлек төркеме балалары өчен  китапханәче Фирдания Закирова Габдулла Тукайның тууына 139 ел тулуга багышланган «Язлар килә Тукай белән» әдәби сәгате үткәрде. Ул балаларга шагыйрьнең катлаулы тормышы һәм иҗади мирасы турында сөйләде, «Туган телем – Тукай теле» китап күргәзмәсенә күзәтү ясады. Чара азагында балалар мультфильмнар карадылар һәм «Туган тел» җырын башкардылар.

С.В.Михалков исемендәге үзәк балалар китапханәсендә «Чулпан» балалар бакчасының мәктәпкәчә яшьтәге балалары Җиңүнең 80 еллыгына багышланган «Дөнья күгәрчене - Җиңү күгәрчене» Бөтенроссия акциясендә катнашты. Чара тынычлык һәм дуслык символикасына, шулай ук җирдә тынычлык саклауның мөһим аспектларына багышланган иде. Китапханәче Закирова Фирдания балаларны күгәрченнең дөньяга килү тарихы белән таныштырды. Балалар Бөек Ватан сугышы елларында күгәрченнәрнең роле турында белде. Балалар зур кызыксыну белән «Дөнья күгәрченнәре»  ясауда катнашты.