«Таныш булыгыз: монда китаплар яши» экскурсия-танышу

2019 елның 26 ноябре, сишәмбе

26 ноябрь көнне күппрофильле лицейның А.М. Булатов исемендәге 1в сыйныф укучылары балалар китапханәсендә кунакта булдылар. Балалар китапханәсе хезмәткәре Гөлфия Хафизова «Таныш булыгыз: монда китаплар яши» дип исемләнгән экскурсия-танышу үткәрде. Балалар китапханә һәм куллану кагыйдәләре турында танып-белү презентациясен карадылар, матур китаплар карадылар, табышмаклар чиштеләр, әкияти викторина сорауларына җавап бирделәр. Чара мультфильмнар карау белән тәмамланды.