Тылсымлы тел
2019 елның 26 ноябрендә гомуми белем бирү мәктәпләре һәм өстәмә белем бирү учреждениеләре укучылары һәм укытучылары өчен Газинур Моратовның иҗатына багышланган «Тылсымлы тел - Тылсымлы тел»дип исемләнгән район шигырь конкурсы үткәрелде. Конкурс Моратов Газинур Васик улы иҗатын популярлаштыру, укучыларны һәм укытучыларны шигъри сәнгатькә, шигырь укуга, милли мәдәният кыйммәтләренә тарту һәм туган як турындагы әдәбиятны алга сөрү максатыннан үткәрелде. Конкурсны Татарстан Республикасы Кукмара муниципаль районы мәгариф идарәсе һәм Кукмара балалар сәнгать мәктәбе оештырды.
Конкурста районның гомуми белем бирү мәктәпләреннән 40тан артык укучы һәм укытучы катнашты. Жюриның хөрмәтле әгъзаларына бик җаваплы эш - иң яхшыларны сайлап алу. Шуңа да безнең катнашучыларны иң зирәк һәм гадел бәяләделәр:
- Татарстан Республикасы Язучылар берлеге рәисе-Салихов Данил Хәбибрахман улы;
- Моратов Газинур Васикович;
- Зәйнуллин Ркаил Рафаил улы;
- Татарстан Республикасы Кукмара муниципаль районы Башкарма комитеты җитәкчесе урынбасары-мәгариф идарәсе башлыгы Р.М. Мансуров.
Барлык катнашучыларга да дипломнар һәм истәлекле бүләкләр тапшырылды.