Даруханәгә экскурсия оештырылды.

2019 елның 2 декабре, дүшәмбе

      Кукмара муниципаль районының “Милосердие” тернәкләндерү үзәгендә социаль хезмәт күрсәтүләрдән файдаланучылар өчен һөнәри юнәлеш бирү эше кысаларында фармацевт, провизор һөнәре белән танышу максатыннан даруханәгә экскурсия оештырылды.

       Даруханә хезмәткәрләре үз һөнәрләре турында сөйләделәр, дару чаралары ассортименты белән таныштырдылар. Фармацевт кешеләргә нинди дарулар ярдәм итә алуын бик яхшы белергә тиеш. Хаталар булырга мөмкин түгел, чөнки бу кеше сәламәтлегенә зыян китерергә мөмкин. Тәрбияләнүчеләр нинди дә булса дару сатып алганчы. табибка килергә һәм аннан консультация алырга, рецепт алырга кирәклеген белделәр.

   Балалар даруханә хезмәткәрләренә кызыклы экскурсия, аларның игелекле хезмәте өчен рәхмәт белдерделәр.