«CarLes» белгечләре инвалид балалар һәм аларның әти-әниләре өчен «Яңа ел шәмдәле» һәм «Имбир прәннеген бизәү» дигән мастер-класслар уздырдылар.
2019 елның 19 декабрендә Кукмара муниципаль районындагы мөмкинлекләре чикләнгән балалар һәм яшүсмерләр өчен «Шәфкать» тернәкләндерү үзәгендә «CarLes» сәүдә маркасы белгечләре инвалид балалар һәм аларның әти-әниләре өчен «Яңа ел шәмдәле» һәм «Имбир прәннеген бизәү» дигән мастер-класслар уздырдылар.
Беренче мастер-класс табигать материалларыннан: каен агачлары, чыршы ботаклары һәм күркәләрдән Яңа ел шәмдәлен ясауга багышланган иде.
Балалар да, ата-аналар да бик тырыштылар, шуңа күрә шәмдәлләр бик матур килеп чыктылар.
Киләсе этап имбир прәннеген бизәү иде. Һәр катнашучы үзен кондитер итеп тойды. Балалар һәм әти-әниләр үз фантазияләрен күрсәттеләр, әуңа күрә һәр прәннек үзенчәлеге белән аерылып торды.
Матур төргәктә бизәлгән прәннекләр Яңа елга менә дигән бүләк булды. Иң яхшы бүләк - үз куллары белән ясалган сувенир.
Балалар һәм аларның әти-әниләре мастер – классларны оештыручыларга, талантлы педагогларга, үз эшләренең осталарына - «CarLes» хезмәткәрләренә аерым рәхмәт белдерделәр .