Кукмарада район башлыгының Яңа ел чыршысында 150 бала катнашты

2019 елның 27 декабре, җомга

Балаларны һәм аларның әти-әниләрен якынлашып килүче бәйрәм белән Сергей Димитриев котлады

Район мәдәният йортында район башлыгының Чыршы бәйрәме узды. Анда 150 бала - уку отличниклары, төрле фән олимпиадаларында, халыкара, бөтенроссия, республика конкурсларында, шулай ук спорт ярышларында җиңүчеләр чакырылган иде. Район башлыгы Сергей Димитриев сәламләү сүзендә балаларга, шулай ук аларның әти-әниләренә һәм педагогларга район үсешенә керткән өлешләре өчен рәхмәтен белдерде һәм якынлашып килүче Яңа ел белән котлады. Бәйрәм концерт һәм иҗат коллективларының театральләштерелгән чыгышы белән үрелеп барды.