«Кышкы удмурт бәйрәмнәре» конкурс – уен программа
8 гыйнвар көнне балалар китапханәсендә «Салават күпере» милләтара аралашу клубының чираттагы утырышы узды. Клуб җитәкчесе Нурия Гайнетдинова һәм Иске Юмья авылы китапханәчесе Лидия Макарова балалар өчен рус һәм удмурт телләрендә «Кышкы удмурт бәйрәмнәре» дип исемләнгән конкурс – уен программасы үткәрделәр. Китапханәчеләр презентация ярдәмендә балаларны Изге Николай көнен бәйрәм итүнең тарихы, легендалары, традицияләре белән таныштырдылар. Изге Николай үзенең изге эшләре белән билгеле һәм ул балаларның яклаучысы. Балалар Тол бабай турындагы риваятьне, беренче кышкы бәйрәм – Толсур турында белделәр. Бәйрәмгә хас халык гореф-гадәтләре: өйдә җыештыру, аш-су әзерләү, кунакларны чакыру. Толсур көннән Святкалар (Вожодыр) башлана һәм 19 гыйнварда Качмануга кадәр дәвам итә.
Балалар зур кызыксыну белән тыңладылар, төрле конкурсларда һәм уеннарда актив катнаштылар, табышмакларга җавап бирделәр, викторина сорауларына җавап бирделәр, Яңа ел турында шигырьләр укыдылар, җырлар башкардылар, чыршы тирәли биеделәр. «Кышкы могҗизалар" күргәзмәсендә кышкы бәйрәмнәр тарихы турында кызыклы китаплар тәкъдим ителде. Балалар бик күңелле итеп ял иттеләр. Чара ахырында балаларга кечкенә генә бүләкләр тапшырылды.