Китап бәйрәме “Китап дөньясына сәяхәт”

2020 елның 20 гыйнвары, дүшәмбе

Аш-Буҗи авылы китапханәсендә өлкән сыйныф укучылары өчен “Китап дөньясына сәяхәт” дип исемләнгән китап бәйрәме үткәрелде. Балалар китап дөньясына мавыктыргыч сәяхәт кылдылар: китапханәдән төп файдалану кагыйдәләре белән таныштылар. Балалар өчен “Әкияттә кунакта” дигән әкиятләр буенча викторина мавыктыргыч булды, шулай ук табышмакларга җаваплар таптылар, китап турында мәкальләр искә төшерделәр. Кичә ахырында балаларга истәлекле бүләкләр тапшырылды.