Байлангар авылы бакчасына йөрүче сабыйлар милли уеннар белән таныша

2020 елның 24 гыйнвары, җомга

Биредә “Уйныйк әле милли уеннар” дип исемләнгән танып-белү һәм күңел ачу программасы узды

ТАССРның 100 еллыгы уңаеннан бакчада күптөрле чаралар оештырыла. Татар халкының бай гореф-гадәтләре, йолалары аша халкыбызның культурасы, тормыш-көнкүреше, бәйрәмнәре, уеннары белән таныштыру максатыннан, Байлангар балалар бакчасында, мәдәният хезмәткәрләре белән берлектә, бакчада тәрбияләнүче балалар өчен ”Уйныйк әле милли уеннар”дип исемләнгән танып-белү һәм күңел ачу программасы уздырдык. Балалар милли уеннар, аларның тарихы белән таныштылар һәм уеннарда бик теләп катнаштылар.

Байлангар балалар бакчасы мөдире Фания Саттарова