Муниципаль районнар Кукмара муниципаль районы

Алар көндәлек кайгыртуга мохтаҗ

2012 елның 7 декабре, җомга

Сау-сәламәт булганнар да кайчакта үзен ялгыз, ярдәмчесез итеп тойган яшәешебездә рухи яки физик кимчелекле, мөмкинлекләре чикләнгән кешеләргә тормышта үз урыннарын табу өчен икеләтә көч түгәргә туры килә. Шунысы сөенечле, янәшәбездә язмыш тарафыннан канаты каерылса да, сынмаган-сынатмаган, алай гына да түгел, актив яшәү рәвеше алып барган кешеләр аз түгел. Алар арасында төрле һөнәр осталары күп. Кайберәүләр үзен спортта сынап карый, икенчеләре үзешчән сәнгать белән шөгыльләнә.

Халыкара инвалидлар көне уңаеннан ресторанда чәй өстәле артында үткәрелгән очрашу әнә шундый нык ихтыярлы, рухи яктан көчле, җәмәгать тормышында актив катнашкан, шулай ук урыннарда башлангыч инвалидлар оешмасын җитәкләгән райондашларны үзенә җыйды. Иң элек алар район үзәк дәваханәсенең уңайлы итеп ремонтланган "Ашыгыч ярдәм күрсәтү" бүлеге, поселокта бара торган төзелеш объектлары белән таныштылар.

Очрашуга килгән кунакларны район Башлыгы Рауил Рәхмәтуллин сәламләп, үзенең теләкләрен җиткерде.

-Район халкының 15 процентын сәламәтлек ягыннан мөмкинлекләре чикләнгән кешеләр тәшкил итә. Аларның саны 8 меңгә якынлаша, шул исәптән 300дән артык инвалид бала бар. Безнең бурыч - аларга уңайлы яшәү шартлары тудыру, проблемаларын хәл итәргә булышу. Шул максаттан республикада да "Уңайлы мохит" программасы кабул ителгән иде. Аның кысаларында районыбызда шактый эшләр башкарылды. Шул исәптән, үзәк дәваханәдә коляскада хәрәкәт итүчеләр өчен уңайлылыклар, лифт булдырылды. 124 инвалид торак шартларын яхшыртты. Сугыш ветераннары яңа фатирлар белән тәэмин ителде һәм бу эш дәвам итә. Ләкин сәламәтлеге какшаганнарга кагылышлы проблемалар да күп һәм без алдагы елларда да аларны хәл итү өчен һәр мөмкинлектән файдаланырга бурычлы. Ә сезгә мин сабырлык, күңел тынычлыгы, нык ихтыярлы булып калуыгызны телим, - диде ул һәм Галина Юшкова, Илнар Сабиров, Валерий Николаев, Альберт Сәләхов, Камил Хәлиуллиннарга җәмәгать тормышында актив катнашулары өчен Мактау хатлары тапшырды.

Район Советы рәисе урынбасары Равия Каримуллина, район инвалидлар оешмасы җитәкчесе Равил Нигъмәтҗанов һәм башкаларның чыгышлары район үзешчәннәре башкаруындагы җырлар белән үрелеп барды.

Халыкара инвалидлар көне язмыш тарафыннан зур сынауларга дучар ителгәннәрнең проблемалары һәрдаим көн үзәгендә булырга тиешлеген тагын бер кат раслый сыман. Авырлыклар каршында ялгыз калмасыннар, башкалар тарафыннан битарафлык тоймасыннар иде алар.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ЭКОяз-2026

Тимераякта фигуралы шуу буенча «Биектау Кубогы» классификация ярышлары һәм фестивале узды

2026 елның 11-12 апрелендә Биектау авылында тимераякта фигуралы шуу буенча «Биектау Кубогы» классификация ярышлары һәм фестивале узды.

Татарстан Республикасы территориясендә метеорологик күренешләрнең интенсивлыгы турында консультация-кисәтү.

Консультация - кисәтү метеорологик күренешләрнең интенсивлыгы турында 18 сәгатьтән 13 апрельгә кадәр 2026 елның 14 апрелендә 18 сәгатькә кадәр 2026 елның 14 апрелендә Татарстан Республикасы территориясендә урыны белән көтелә: Төнлә дә, иртән дә томан, яшен дә булырга мөмкин. - төнлә һәм көндез көчле җил 15-16 м/с (Казан шәһәрендә дә).

Исегезгә төшерәбез, Банк кешбэгына НДФЛ салынмый

Банк кешбэгы-банк лояльлек программалары кысаларында алынган акчалар яки бонуслар. Мондый керем салым салына торган дип танылмый һәм НДФЛдан азат ителгән. Кешбэк алынган ситуацияләр искәрмә булып тора: • гавами оферта кысаларында түгел; • хезмәт мөнәсәбәтләре кысаларында; • хезмәтләр күрсәткән (эшләр башкарган, товарлар китергән) өчен түләү сыйфатында. Россия Федераль салым хезмәтенең Татарстан Республикасы буенча идарәсе банклардан кергән керемнәргә кертемнәр буенча процентлар (счетлардагы калдыклар) рәвешендә салым салынуын искә төшерә. НДФЛны исәпләү өчен нигез булып банкларның салым органнарына тапшырган белешмәләре тора. Бу белешмәләр белән физик затның шәхси кабинетында танышырга мөмкин – » керемнәр турында белешмәләр « - »кертемнәр буенча процентлар". Мәгълүмат банк тарафыннан физик зат тарафыннан алынган барлык процентларның гомуми суммасы белән бер ел эчендә аерым кертемнәр, счетлар буенча бүленмичә бирелә. Әгәр мәгълүматлар салым түләүче белешмәләренә туры килмәсә, төгәлләштерү өчен банкка мөрәҗәгать итәргә кирәк. Кертемнәр буенча процентларга салым салым органнары тарафыннан банклардан алынган мәгълүмат нигезендә исәпләнәчәк һәм салым уведомлениесенә кертеләчәк. Игътибар итәбез, керемнәр буенча процентлар рәвешендәге НДФЛ салым органнары тарафыннан 2025 елда әле исәпләнмәгән. Шул рәвешле, массакүләм мәгълүмат чараларында таратыла торган салым органнары банк кешбэгына НДФЛ сала башлаган дигән мәгълүмат чынбарлыкка туры килми. Банк исәпләп чыгарган керем турында сораулар туганда салым түләүчегә кредит оешмасына мөрәҗәгать итәргә киңәш ителә.

ЯҢАЛЫКЛАРГА ЯЗЫЛУ