Чирмешән районы гаиләсе Татарстан Республикасы Авыл хуҗалыгы һәм азык-төлек министрлыгы ярдәме белән үзенең мини-фермасын ачты

«Кече һәм урта эшкуарлыкка ярдәм итү " милли проекты кысаларында Татарстанда яшь фермерлар «Агростартап» программасы буенча үз эшләрен ачу өчен 6 млн.сумга кадәр грант ала алалар. Гаризалар 31 мартка кадәр кабул ителә.
Бүген дә ТР Авыл хуҗалыгы һәм азык-төлек министрлыгы ярдәме белән авылда үз эшләрен башлап җибәрүчеләр шактый. Чирмешән районының Югары Кәминкә авылыннан Шәмсетдиновлар гаиләсе зур булмаган терлекчелек фермасы ачты. 2015 елда Татарстан Республикасы Авыл хуҗалыгы һәм азык-төлек министрлыгының Республика программасы буенча мини-фермаларны үстерүгә 200 мең сум акча бирелде.
20 елдан артык ферма мөдире булып эшләгән Габбас Шәмсетдиновның үз фермасында сигез сыер бар. Бөтен эшне гаилә үзе башкара. Хуҗалыкта трактор, тагылма җиһазлар һәм сенаж өчен вакланган үләннәр бар. Пай җирләренең 40 гектарында бөртекле культуралар һәм күпьеллык үләннәр үстерелә. Азык җитәрлек, сатып алырга туры килми-барысы да үз. Сыерларны электр көтүе ярдәмендә көтәләр.
"Өстәлдә һәрвакыт үз сөте, ите бар, малларны карау авыр түгел. Шунысы куанычлы, бүген мин кайчандыр бергә эшләгән авылдашларыма сөт тәкъдим итә алам", - дип сөйли тормыш иптәше Гөлсирә Шәмсетдинова.
Хуҗалык белән улы Гаяр, килене Мәдинә, оныклары Илгиз һәм Илдар булыша. Барысы бергә иркен ике катлы йортта яшиләр. Анда хәтта чын утын миче дә бар. Гөлсирә Шәмсетдинова анда ипи пешерә.
Бүген Шәмсетдиновлар-районда иң күп сөт тапшыручылар арасында. Аны Иске Кади эшмәкәре ала, ай саен исәпләнә. Бу мәсьәләдә тоткарлыклар юк.
"Сыерларны аппарат ярдәмендә савабыз. Бүген сөт күп түгел, көнгә 50 литрга якын тапшырабыз, ә менә җәй айларында уртача 2700 килограммга кадәр саттык, - дип сөйли Мәдинә. Ә бу көнгә 56 мең табыш дигән сүз!
Татар версиясе яңалыклар: http://agro.tatarstan.ru/tat/index.htm/news/1714564.htm
Татарстан Республикасы Авыл хуҗалыгы һәм азык-төлек министрлыгы матбугат хезмәте