«Күңелле ишегалды» акциясе кысаларында "Форпост " һәм "Ялкын" белгечләре Кукмара шәһәре йорты ишегалдында урам уеннары оештырдылар

2020 елның 12 августы, чәршәмбе

«Күңелле ишегалды» акциясе кысаларында 2020 елның 11 августында «Форпост» үзәге һәм «Ялкын» яшүсмерләр клубы  белгечләре һәм волонтерлары Кукмара шәһәренең Нур-Баян урамы буенча 42 нче йорт ишегалдында урам уеннары оештырдылар. Чаралар вакытында балаларга күңелсезләнергә туры килмәде. Барысы да МАССАКҮЛӘМ хәрәкәтле уеннарда, команда ярышларында актив катнаштылар.

Соңыннан катнашучылар истәлекле бүләкләр, бик күп позитив һәм яхшы кәеф алдылар, спорт энергиясе, күңел ачу һәм файдалы итеп үз вакытларын урамда үткәрделәр!