Сәламәт яшәү рәвеше
Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә сәламәт яшәү рәвешен үстерү буенча даими рәвештә дәресләр уздырыла. Гөлчәчәк Илдар кызы Шакирҗанова үткәргән дәрестә «Витаминнар» турында сөйләде: алар нинди продуктларда бар, ни өчен кирәк.
Гөлчәчәк Илдаровна җиләк-җимеш һәм яшелчәләрдәге витаминнарны үсеп килүче балалар организмына файдалы һәм кирәк дип аңлатты. Витаминнар җитмәгәндә гиповитаминоз була, ә алар булмаганда авитаминоз була. Витаминнар артык булганда гипервитаминоз була. Яшелчә һәм җиләк-җимеш рационы никадәр төрлерәк булган саен, туклану да шулкадәр яхшырак. Аларны көнгә берничә тапкыр ашарга киңәш ителә. Витаминнар сөт продуктларында, иттә, яшелчә һәм җиләк-җимешләрдә, ярма һәм макарон әйберләрендә, майларда бар.