Хоккей буенча «Олимп Кубогы» турниры булып узды.
2021 елның 26-28 февралендә боз сараенда Ватанны саклаучылар көненә багышланган 2011 елда туган командалар арасында хоккей буенча «Олимп Кубогы» турниры булып узды. Ярышларда 6 команда катнашты: Кукмара дан «Ягуар», Самарадан «Комета», Ижевскидан «Ижсталь», Кировтан «Вятка», Сыктывкардан « Северная Олимпия», Арчадан «Атлант» .
Турнирны ачу тантанасында спорт мәктәбе директоры Райнур Нәбиуллин чыгыш ясады. "Тимераякта фигуралы шуу" бүлекчәсендә тәрбияләнүчеләр Кәримә Гарипова һәм Зәлинә Бадышева боздагы чыгышлары белән сөендерделәр.
Уен нәтиҗәләре буенча өченче урынны « Северная Олимпия» командасы, икенче урынны - «Атлант», беренче урынны «Ягуар» яулады. «Иң яхшы сакчы» номинациясендә Ислам Кәримов танылды. Командалар кубоклар, медальләр белән бүләкләнде.