Кукмара балалары бәйрәм итте

Җиңү паркы каршындагы мәйданда балаларны Халыкара яклау көне уңаеннан бәйрәм чарасы узды. Мәйдан аллы-гөлле чәчәкләр аланын хәтерләтә иде. Һәркем: олысы-кечесе бәйрәмгә ашыкты. Анда исә Кукмара балалар сәнгать мәктәбенә йөрүчеләр тарафыннан әзерләнгән концерт, төрле конкурсларлар булды. Бәйрәмдә “Бердәм Россия” сәяси партиясенең яшь гвардиячеләре, волонтерлар да катнашты. Волонтерлар өлкәннәргә тәмәке тартуның зыяны турында язылган листовкалар тараттылар, балалар белән төрле уеннар оештырдылар.