Нырья урта мәктәбендә “Үсеш ноктасы”
Кукмара муниципаль районының «Үсеш ноктасы» үзәкләренең эш сыйфатын күтәрү максатыннан һәм «ТР Кукмара муниципаль районы Башкарма комитетының мәгариф идарәсе» муниципаль учреждениесенең 2022-2023 уку елына эш планы нигезендә 2022 елның 23 ноябрендә Нырья урта мәктәбендә районның “Үсеш ноктасы” үзәкләренең педагоглары, җитәкчеләре өчен “Үсеш ноктасыннан” мәктәп үсешенә: мәгариф оешмасы укучылары һәм педагогларының потенциалын ачу” темасы буенча район семинары узды. Семинарда катнашучылар укыту-тәрбия процессында “Үсеш ноктасы» җиһазларын куллану буенча мәктәп эше тәҗрибәсе белән таныштылар. Семинар барышында мәктәп директоры мәктәп буенча экскурсия уздырды һәм семинарда катнашучыларны мәктәпнең яңартылган матди-техник базасы белән таныштырды. Нырья урта мәктәбе укытучылары үз тәҗрибәләре белән уртаклаштылар, дәресләрнең фрагментларын күрсәттеләр, мастер-класслар үткәрделәр.