Әнвәр "Иң сәләтле малай" номинациясенең җиңүчесе дип табылды.

2023 елның 20 феврале, дүшәмбе

Алабуга шәһәренең 29 нчы номерлы "Алтын балык" балалар бакчасында Россия күләмендә икенче тапкыр үткәрелә торган "Мин бит татар малае - 2023" иҗади бәйгесе үтте. Бәйгедә Россия Федерациясенең 5 субъектыннан: Башкортостан, Удмуртия Республикасы, Оренбург өлкәсе, Пермь крае һәм Татарстанның төрле район һәм шәһәрләреннән 40ка якын эш кабул ителгән. Финалга чыккан 12 малай "Татар малае-2023" исемен алуга көч сынашты. Шулар арасында Кукмара шәһәренең 7нче номерлы "Кыңгырау" балалар бакчасының зурлар төркемендә тәрбияләнүче Гадиев Әнвәр дә (җитәкчесе -балаларны татар теленә өйрәтүче тәрбияче Степанова Р. С) бар иде. Бәйге нәтиҗәләре буенча Әнвәр "Иң сәләтле малай" номинациясенең җиңүчесе дип табылды.