Кукмарада «Россия эше»кадрлар үзәге ачылды
Модернизация "Демография» милли проекты составына керүче "Мәшгульлеккә ярдәм " федераль проекты кысаларында узды.
Бүген Кукмарада «Россия эше» кадрлар үзәген ачу тантанасы булды.
Чарада ТР Хезмәт, мәшгульлек һәм социаль яклау министрының беренче урынбасары Рөстәм Вәлиуллов, район башлыгы Сергей Димитриев, халыкны эш белән тәэмин итү үзәкләре җитәкчеләре катнашты.
Кукмара районы халыкны эш белән тәэмин итү үзәген модернизацияләү «Демография» милли проекты составына керүче «Мәшгульлеккә ярдәм» федераль проекты кысаларында узды.
«Узган ел Мәшгульлек үзәгендә биналарга капиталь ремонт үткәрелгән. Ремонт барышында функциональ зоналар һәм гражданнар һәм эш бирүчеләр белән эшләү секторлары бүлеп бирелде, санлы сервислар зонасы төзекләндерелде. Залда навигация бар, шул исәптән начар күрүче гражданнар өчен дә. Сәламәтлек мөмкинлекләре чикләнгән кунаклар өчен электрон чиратның уңайлы терминаллары каралган», - дип сөйләде Кукмара районы халыкны эш белән тәэмин итү үзәге директоры Әсхәт Җиһаншин.
2022 елда Кукмара районының мәшгульлек үзәгенә 970 граждан һәм 308 эш бирүче мөрәҗәгать иткән. Тормыш ситуацияләре кысаларында район халкы тест режимында хезмәтләр комплексы алды инде. Проектта катнашу мәшгульлек үзәге эшенә балалы һәм аз керемле гаиләле хатын-кызлар өчен төрле хезмәт комплексларын, шулай ук бизнес өчен, аерым алганда, сезонлы мәшгульлек оешмалары һәм кече предприятиеләр өчен кертергә мөмкинлек бирде.
Мәшгульлек хезмәтен модернизацияләү нәтиҗәсендә яңа сервислар: Гарантияле әңгәмә; һөнәри керемгә салым түләүче сыйфатында теркәү мөмкинлеге турында мәгълүмат бирү; социаль контракт кысаларында дәүләт ярдәмен алу мөмкинлеге, шул исәптән эшкә урнашу, резюме төзүдә ярдәм итү; «Россиядә эш»порталында электрон формада гариза бирүдә консультацион ярдәм күрсәтү мөмкин булды. Моннан тыш, кадрлар үзәгендә мөмкинлекләре чикләнгән гражданнарны кабул итү бара.
Фото: Йолдыз Гыймадиева/ " Трудовая слава»