«Ышаныч телефоны»дигән темага белем бирү әңгәмәсе үткәрелде.
Кукмара районында «Милосердие» мөмкинлекләре чикле балалар һәм яшүсмерләр өчен тернәкләндерү үзәгендә «Ышаныч телефоны»дигән темага белем бирү әңгәмәсе үткәрелде.
Дәреснең максаты яшүсмерләргә аноним психологик ярдәм хезмәте турында мәгълүмат бирү иде.
Дәрес башында һәрбер бала «ышаныч» сүзен ничек аңлавы турында сөйләде. Аннары балалар ышаныч телефоны барлыкка килү тарихы белән таныштылар. Алар ышаныч телефоны аноним, бушлай һәм яшерен рәвештә дуслар һәм якыннар, мәктәп һәм гаилә мөнәсәбәтләре турында сөйләшү өчен хезмәт икәнен белделәр. Тәрбияләнүчеләр ашыгыч ярдәм хезмәтендә кем эшләве, бу өлкәдә нинди һөнәр ияләре эшли алуы турында фикер алыштылар.
Дәрес барышында балаларга төрле уеннар тәкъдим ителде: « Эмпатия», «Слоган», «Ассоциация» анда алар билгеле бер сорауга яки ситуациягә дөрес җавап бирергә һәм үз җавапларын аңлатырга тиеш иде.
Дәрес ахырында балалар Ышаныч телефонында аны аңларлар, тынычландырырлар һәм бу хәлне ничек хәл итәргә кирәклеген әйтерләр дигән фикер туды.
Дәрес бик кызыклы үтте, балалар күп белем алдылар һәм үзләрен кызыксындырган күп кенә сорауларга җаваплар таптылар.