«Милосердие» үзәгендә террорчылыкка каршы куркынычсызлык буенча «Уяу булыгыз!» дип аталган чара узды.
Кукмара районында «Милосердие» мөмкинлекләре чикле балалар һәм яшүсмерләр өчен тернәкләндерү үзәгендә террорчылыкка каршы куркынычсызлык буенча «Уяу булыгыз!» дип аталган чара узды.
Дәреснең максаты гадәттән тыш хәлләр вакытында үз-үзеңне тоту кагыйдәләрен өйрәнү, экстремаль шартларда дөрес карарлар кабул итү күнекмәләрен үстерү иде.
Дәрес барышында тәрбияләнүчеләр «Шартлаткыч җайланмага охшаган предметны тапканда нишләргә? " дигән видеоязма карадылар. Төрле гадәттән тыш хәлләрдә үз-үзеңне тоту кагыйдәләрен күрсәтеп, дусларына рәсемнәр ясадылар.
Дәрес ахырында, тәрбияләнүчеләр һәр кешенең әйләнә-тирә мохиткә карата уяулыгы һәм битараф булмавы күп кешеләрнең гомерләрен саклап калырга һәм сәламәтлегенә зыян китермәскә мөмкин дигән нәтиҗәгә килделәр.