«Китаплар бәйрәме» әдәби сәяхәт
С.В. Михалков исемендәге үзәк балалар китапханәсе Бөтенроссия Библиокич-2023 акциясендә катнашты. Китапханәче Рәмзия Гарифуллина Ч.Т. Айтматов исемендәге 1 нче гимназиянең 2а сыйныф укучылары өчен «Китаплар бәйрәме» дигән әдәби сәяхәт үткәрде. Истәлекле даталарны кешеләр генә түгел, ә китаплар да билгеләп үтә ала. Чара барышында балалар быел юбилей датасын билгеләп үтүче китаплар турында белде, Ш.Галиевның «Гаҗәп хәлләр, мәзәк хәлләр» (55 ел), «Мыеклы бозау» (50 ел), Х. Халиковның «Энәбикә» (50 ел), Р. Миңнулинның «Акбай цирк карый» (45 ел), «Безнең авыл зоопаркы» (35 ел), Р. Фәйзуллинның «Якты моң» (40 ел), Х. Халиковның «бәхет чишмәсе» (30 ел) китапларын иҗат итүнең кызыклы фактлары һәм тарихлары турында кызыксынып тыңланды, төп геройлары белән танышты, китаплардан өзекләрне кычкырып укыды, табышмаклар чиште.