Кукмара һәм Юкаменск районнары хезмәттәшлек турында килешүгә кул куйдылар
Районнар сәүдә-икътисади, фәнни-техник, мәдәни һәм башка өлкәләрдә партнерлык турында килештеләр.
Бүген Кукмарага Удмурт Республикасы Юкаменск районы муниципаль округы башлыгы Константин Бельтюков җитәкчелегендәге делегация килде.
Очрашу район Советы бинасында узды. Район башлыгы Сергей Димитриев кунакларны районның социаль-икътисади хәле, предприятиеләр һәм оешмаларның эшчәнлеге белән таныштырды, республика һәм федераль программалар буенча башкарылган эшләргә тукталды.
Бу көнне Россия Федерациясе Удмурт Республикасы Юкаменск районы муниципаль округы һәм Россия Федерациясе Татарстан Республикасы Кукмара муниципаль районы арасында сәүдә-икътисадый, фәнни-техник, мәдәни һәм башка өлкәләрдә хезмәттәшлек турында килешү имзаланды. Килешүгә район башлыгы Сергей Димитриев һәм Юкаменск районы муниципаль округы башлыгы Константин Бельтюков кул куйдылар.
Реклама
РЕКЛАМА
Тантаналы өлештән соң делегация вәкилләре валяль-киез комбинаты кибетендә, Кукмара таш эшкәртү заводында булдылар, «Кукмара» сәнәгать паркында урнашкан предприятиеләр һәм оешмаларның эшчәнлеге белән таныштылар, үзләрен кызыксындырган сорауларга җаваплар алдылар.
Фото: Алсу Сәлахетдинова/ «Хезмәт даны»