Үрәсбаш балалар бакчасында эшләүчеләр пластик шешәләрдән әкият геройлары ясаганнар

Үрәсбаш авылының “Чулпан” балалар бакчасы да әллә каян күренеп, үзенә дәшеп тора. Бакча мөдире Любовь Павлова сүзләренә караганда, коллектив әти-әниләр белән берлектә җәйге чорда шактый эшләр башкарган: бакча территориясен әйләндереп алган койма-рәшәткәләр яңартылган, “гөмбә”ләргә чистартып комнар тутырылган, идән-тәрәзәләр буялган. Уен мәйданчыгындагы пластик шешәләрдән ясалган чәчәк, әкият геройлары, ташбака, пальмалар да карап кына торырлык. Балаларга эстетик тәрбия бирүдә, матурлыкка өйрәтүдә әлеге эшләнмәләрнең әһәмияте, әлбәттә, зур.