Әңгәмә “Болгар – изге җиребез”
2024 елның 24 мае, җомга
24 нче май көнне уку залы китапханәчесе Сәлимова Т.Х., Кукмара үзәк китапханәсендә “Сөембикә” клубы кунаклары өчен, Идел буе Болгар дәүләтенең ислам динен кабул итүенә 1102 тулу уңаеннан, “Болгар – изге җиребез” дигән әңгәмә үткәрде.
Китапханәче Идел буе Болгар дәүләтенең тарихын сөйләде. Компьютер презентациясе ярдәмендә, Болгар дәүләте тарихи-архитектура музей-тыюлыгының тарихи һәйкәлләре белән таныштырып үтте. “Сөембикә” кунаклары видеоязмадан шагыйрә Тәслимә Низаминың “Шәһри Болгар” поэмасын тыңладылар. Гайнетдинова Гадения , язучы, җәмәгать һәм сәясәт эшлеклесе Разил Вәлиевның “Борынгы Болгарда” исемле шигырен укыды.Чара ахырында “Идел Болгарында Ислам динен кабул итүгә 1102 ел” китап күргәзмәсе белән таныштылар.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз