Күргәзмә-кисәтү «ВИЧ -яшәр өчен белергә»

3 нче октябрь көнне Кукмара үзәк китапханәсендә “Салават күпере” клубының “Гомернең алтын көзе” дигән аралашу кичәсе үтте. Әлеге  утырыш өлкәннәр көненә багышланды. Китапханәче Саттарова Лилия Рәис кызы килгән кунакларны өлкәннәр көне белән котлап, үзенең җылы теләкләрен җиткерде.  Өлкәннәрне бераз белемнәрен тикшереп карау өчен ребуслар чиштеләр, табышмакларга, сорауларга җаваплар бирделәр, пазл төзеделәр. Шулай ук, тормышта була торган төрле ситуациялардан чыгу юллары, балалар, оныклар тәрбияләүдә үзләренең тормыш тәҗрибәләре белән уртаклаштылар. Бәйрәм  чәй табыны артында дәвам итте.

3 октябрь көнне хезмәт күрсәтү бүлеге китапханәчесе В.Г. Пахомова, социаль ярдәм үзәге “НАЗ”да ял итүче пенсионерлар өчен “Һәр чорның үз матурлыгы” дип исемләнгән ял кичәсе үткәрде. Чара Өлкәннәр көненә багышланды.

Чура авылы китапханәсендә «Экстремизм – нәрсә ул?» дип исемләнгән мәгълүмат сәгате узды. Чарада катнашучылар танышуларда сак булырга, игътибарлы булырга һәм иминлек чараларын үтәргә кирәклеген билгеләп үттеләр. Чара ахырында «Терроризм - дөнья залымы», «Экстремизм» һәм «Социаль челтәрләрдә экстремизм нәрсә белән бәйле?» исемле видеоязмалар күрсәтелде, бу исә теманы аңларга ярдәм итте.

Чишмәбаш авылы китапханәчесе үсмерләр өчен «Сезнең ярдәмче – ышаныч телефоны» дип исемләнгән мәгълүмат сәгате үткәрде. Күп кенә яшьләр ярдәм эзләгәндә кыенлыклар белән очраша һәм килеп туган проблемаларны ничек хәл итәргә белмиләр. Китапханәче ышаныч телефоны авыр хәлләрдә ярдәм алыр өчен бик яхшы ысул булуын аңлатты.