Беренче сыйныфларга ЮХИДИ инспекторы велосипед бүләк итте

Күппрофильле лицейның беренче сыйныф укучылары белән “Яшь җәяүле” дигән дәрес уздырылды. Дәретә район юл хәрәкәте иминлеге дәүләт инспекциясенең пропаганда бүлеге инспекторы Нурсил Мортазин катнашты. Берсеннән-берсе кечкенә малай кызлар юл йөрү кагыйдәләренә багышланган шигырьләр сөйләделәр, җырлар башкардылар. Балалар юл билгеләрен таныйлар, сорауларга да дөрес һәм төгәл җаваплар бирәләр. Инспектор укучыларга юлларда сак һәм игътибарлы булырга кирәклеген аңлатты, һәр балага истәлеккә китаплар, ә сыйныфка велосипед бүләк итте.