«Зур этнографик диктант – 2024» акциясе

Һәркемнең үз кечкенә туган ягы бар – шәһәр, авыл, урам, йорт. Бу урын безгә бик кадерле һәм безнең тарихыбыз белән бәйле. «Безнең авыл, без аны сакларга тиеш» күргәзмәсенә багышланган чарада китапханәче кечкенә туган якның әһәмияте турында сөйләде. Ул авылның тарихы, беренче күчеп килүчеләр, предприятиеләр һәм танылган шәхесләр турында таныштырды.

3 ноябрь көнне Зур Кукмара авылы китапханәсендә "Яшьләр арасында террорчылыкны һәм экстремизмны профилактикалау" темасына профилактик әңгәмә үткәрелде. Китапханәче террорчылыкның барлыкка килү тарихы, террорчылык куркынычы туганда һәр кешегә белергә кирәк булган гамәлләр, һәм Россиянең терроризмга каршы көрәштәге роле турында сөйләде. Балаларга шулай ук террорчылык акты янаган очракта үз-үзеңне тоту кагыйдәләре һәм куркынычсызлык таләпләре, һәрвакыт уяулык һәм сак булуның мөһимлеге турында аңлатты.

Көзге каникул вакытында Ошторма-Юмья авылы китапханәсенең укучылары Кукмара районының Яңа Комар авылында урнашкан «Алмаз» наски җитештерү цехына бардылар. Экскурсия вакытында балалар проектлау, тегү, бәйләү һәм носкины упаковкага салыр алдыннан парлау өчен кулланылган технологияләр дөньясына чумдылар. Бу профориентацион экскурсия балаларны җитештерү процессы белән таныштыру максатын куйды.