Кукмарада «Кукмара итекләре» Бөтенроссия халык иҗаты фестиваль – ярминкәсе узачак
2025 елның 4-5 гыйнварында Кукмара шәһәрендә Россия Президентының мәдәни инициативалар фонды гранты ярдәме белән «Кукмара итекләре» Бөтенроссия халык иҗаты фестиваль – ярминкәсе узачак. Шәһәр халкы һәм кунакларның яратып көтеп алган традицион бәйрәм 10нчы мәртәбә узачак һәм Татарстаннан районнары, Россия төбәкләрдән катнашучыларны җыячак.
Татарстанның Кукмара районы киез итек кию кәсебе белән дан тота. Биредә киез эшләнмәләр җитештерү XIX гасыр урталарыннан билгеле, Кукмарада беренче киез итек фабрикасы 1867 елда барлыкка килә. Бүгенгесе көндә барлык Рәсәйгә танылган, данлыклы итек-киез комбинаты төрле киез аяк киемнәре һәм йоннан эшләнмәләр җитештерә.
Кукмара районы халкы үз һөнәрләре белән бик горурлана, ә комбинатта бүгенге көндә гаиләләре белән генә түгел, буыннары белән дә эшлиләр. Бүгенгесе көндә табигый һәм сыйфатлы аяк киеме ясауны дәвам итү өчен, киез итек кию традицияләрен саклап калу комбинатның үзенчәлеге булып тора.
«Кукмара итекләре» фестивале Татарстанда яшәүче халыкларның мәдәниятен, декоратив – гамәли иҗатын, һөнәрчелеген саклау һәм үстерү, халык иҗатының иң яхшы үрнәкләрен ачыклау, фольклор коллективларга, халык осталарына ярдәм итү максатларында үткәрелә.
Әлеге фестиваль 2015 елдан бирле ел саен үткәрелеп килә, һәм шушы вакыт эчендә ул Кукмара шәһәренең брендына әверелде.
Юбилей елында фестиваль 2 көн дәвам итәчәк. Беренче көнне, 4 гыйнварда фестивальдә катнашучылар Кукмара киез итек-киез комбинатында булачаклар, анда киез итек җитештерү процессы белән якыннан танышып кына калмыйча, киез итек кәсебенә багышланган мастер-классларда да катнаша алачаклар. Икенче көнне, 5 гыйнварда Кукмараның Комсомол мәйданында Фестивальнең тантаналы ачылышы, катнашучы командалар арасында иҗади һәм спорт ярышлары, итекләр, кулдан эшләнгән һәм җирле сувенирлар ярминкәсе, милли ризыклардан авыз итү, шулай ук Кукмара итекләрен ясау буенча мастер-класслар узачак.
Шулай ук җиңүче командаларны бүләкләү, татар эстрадасының популяр артисты Марат Яруллин "Зәкәрия" фольк-төркеме, Кукмара районы үзешчән коллективлары катнашында концерт программасы, районара командалар арасында "Итекле футбол" булачак.
Чараны гамәлгә куючылар-Россия Президентының мәдәни инициативалар фонды һәм Татарстан Республикасының Кукмара муниципаль районы администрациясе.
Фестивальдә катнашу өчен Татарстан районнарыннан һәм Россия төбәкләреннән командалар чакырыла. Тулырак нигезләмә белән танышырга мөмкин.
/file/kukmor/File/_Положение_Кукморские_валенки29102024(1).pdf
