Китапханәдә экскурсия

2024 елның 15 ноябре, җомга

15 ноябрь  көнне Кукмара үзәк китапханәсенә «АНО «ЦСП «НАЗ» үзәгендә ял итүче пенсионерлар экскурсияга килделәр. Уку залы китапханәчесе Сәлимова Тәскирә Харис кызы экскурсиягә килүчеләрне әдәби карта белән таныштырды.   Абонемент бүлегенең эше турында  сөйләде,   китап күргәзмәләре, китап яңалыклары белән танышырды. Кунаклар уку залында якташ язучылар иҗаты белән таныштылар. Экскурсиягә килүчеләр, якташ шагыйрә Розалия Яппарова, Йосыф Хәнәфиев, Мәхмүт Исмәгыйлев  шигырьләрен яратып укыдылар.  Кунаклар видео-язмадан Сәидә Мөхәммәтҗанова һәм Фәрид Мифтахов башкаруында “Була белсәк иде кирәкле”, дигән җырны тыңладылар.