"Яңа Мөмкинлекләр Китапханәсе"
Кукмара районының Манзарас авыл китапханәсендә «Мәдәният» милли проекты кысаларында яңа буын модель китапханәсе ачылды.
Китапханә шактый үзгәрешләр кичерде. Хәзер монда цифрлы пианино, виртуаль чынбарлык күзлекләре, балалар өчен интерактив уен өстәле, 3D-принтер һәм пресс кебек заманча технологияләр кертелгән.
Цифрлы пианино музыкаль белем бирү мөмкинлекләрен киңәйтә, репертуар сайларга һәм ноталар белән эшләргә мөмкинлек бирә, бу исә чараларны бай һәм интерактив итә.
Виртуаль чынбарлык зонасы килүчеләргә дөнья буйлап сәяхәт итәргә һәм тарихи вакыйгаларга чумарга уникаль мөмкинлек бирә.
«Logo-Blitz» интерактив өстәле балалар өчен белем һәм уенны берләштерә, ә «Кисельковое царство» дидактик җыелмасы иҗади күнекмәләрне үстерүгә ярдәм итә.
Һәр яшь төркеме өчен махсус пространстволар булдырылган: балалар өчен — «китаплар территориясе», уен һәм остаханә, ә яшүсмерләр өчен уңайлы эш урыннары һәм аралашу зонасы каралган.
Интерактив панельле һәм проекторлы Медиазал массакүләм чараларның сыйфатын шактый яхшырта, кызыклы презентацияләр уздырырга һәм фильмнар күрсәтергә мөмкинлек бирә. Бу яңалыклар китапханәгә килүчеләр саны артуга ярдәм итте һәм аны бергәлектә мәдәни тормыш үзәгенә әйләндерде.