Керемнәрегезне декларацияләргә онытмагыз

Россия Федераль салым хезмәтенең Татарстан Республикасы буенча идарәсе республика халкын 2025 елгы декларация кампаниясендә актив катнашырга чакыра. Әлеге кампания кысаларында гражданнарның аерым категорияләренә 2024 елда алынган керемнәр турында 3-НДФЛ формасы буенча салым декларациясе тапшырырга кирәк. Исегезгә төшерәбез, мәҗбүри декларациягә мөлкәтне сатудан, мөлкәтне арендалаудан һәм бүләк итүдән якын туганнардан булмаган керемнәр, Россия Федерациясеннән читтәге чыганаклардан кергән керемнәр, төрле отыш рәвешендәге керемнәр, башка керемнәр керә.  

3-НДФЛ декларациясен керем алганда үзеңнең исәпкә алу урыны буенча салым органына 1 гыйнвардан 30 апрельгә кадәр тапшырырга кирәк. Шул ук вакытта 30 апрельдә декларацияне тапшыруның иң чик срогы салым түләүләрен алуга кагылмый, бу очракта 3-НДФЛ декларациясен ел дәвамында теләсә кайсы вакытта җибәрергә мөмкин.

3-НДФЛ декларациясен «физик затлар өчен салым түләүченең шәхси кабинеты» сервисы аша тапшыру уңайлырак, анда мәгълүматларның күп өлеше алдан тутырылган инде. Шәхси кабинет мөлкәти яисә социаль салым тотып калуларын алу максатларында салым декларацияләрен тапшыру өчен дә уңайлы.

Әйтик, ел саен татарстанлыларның 95% тан артыгы 3-НДФЛ декларациясен шәхси кабинет аша онлайн тутыруны өстен күрә, салым органына шәхси визит ясамый. Декларацияне тутыру һәм җибәрү өчен «керемнәр һәм тотып калулар» яисә «мөрәҗәгатьләр каталогы»бүлекләреннән Файдаланырга кирәк.