Березняк мәктәбендә вейпингның зыяны турында лекция үтте
Мәктәпләрдә мондый әңгәмәләр балаларга сәламәтлек өчен аңлы сайлау ясарга ярдәм итә.
2024 елда тәмамланган «Сәламәтлек саклау» милли проектына алмашка килгән «дәвамлы һәм актив тормыш» яңа милли проекты кысаларында Кукмара районының Березняк авылы мәктәбендә мәктәп укучылары өчен «вейпингның зыяны турында»дигән темага мөһим һәм кирәкле әңгәмә узды. Фельдшер Тимербаева Галина балаларга вейплар белән мавыгуның ни өчен бик куркыныч булуы турында җентекләп сөйләде.
Күп кенә яшүсмерләр вейпингны тәмәке тартуга модалы һәм куркынычсыз альтернатива дип саный. Ләкин бу бик зур ялгышу! Галина аңлатканча, вейпларда, хәтта «никотинсыз» " да, бик күп зарарлы матдәләр бар:
Никотин: күпчелек вейпларда ул бар, һәм бик көчле бәйлелек тудыра, бигрәк тә организм әле формалашкан яшүсмерләрдә.
Токсик химикатлар: ароматизаторлар, глицерин, пропиленгликоль җылытканда куркыныч кушылмалар барлыкка китерә, алар үпкәләрне ярсыта һәм зарарлый.
Авыр металлар: вейп парларында җылыткыч элементлардан торган металл кисәкчәләре булырга мөмкин, алар да организм өчен зарарлы. Вейпинг-сәламәтлеккә сугу ул! Галина Тимербаева ассызыклаганча, вейплар белән мавыгу җитди нәтиҗәләргә китерергә мөмкин:
Сулыш алу проблемалары: үпкәләрнең «попкорн авыруы» үсеше, бронхит, астма һәм башка респиратор авырулар.
Йөрәк-кан тамырлары авырулары: Вейпинг инфаркт һәм инсультлар куркынычын арттыра.
Баш мие үсешенең акрынаюы: Никотин яшүсмерләрнең баш мие үсешенә тискәре йогынты ясый, хәтерен һәм концентрациясен начарайта.
Психологик бәйлелек: Вейпинг башка, җитдирәк бәйлелекләргә беренче баскыч була ала.
Вейпинг турында дөреслекне белү мөһим! Мәктәпләрдә мондый әңгәмәләр балаларга сәламәтлек өчен аңлы сайлау ясарга ярдәм итә.
Үзегезне һәм балаларыгызны саклагыз!