Әңгәмә: «Терроризм — хәзерге заман проблемасы»

2025 елның 17 апрелендә тренер Булат Кадыйров «сәламәт яшәү рәвешен формалаштыруда гаиләнең роле» темасына ата-аналар җыелышы үткәрде.

Якты Пасха алдыннан Үзәк китапханәдә «Пасха кыңгыравы»дигән китап күргәзмәсе ачылды. Күргәзмәдә Пасханың тарихына, традицияләренә һәм православие мәдәниятенә  багышланган басмалар җыелмасы тәкъдим ителә.

17 апрельдә С.В. Михалков исемендәге үзәк балалар китапханәсе Зур Кукмара авылының “Шатлык” балалар бакчасы белән берлектә татар шагыйре Габдулла Тукайның тууына 139 ел тулуга багышланган «Сандугачтай моңлы Тукай теле» шигырь конкурсы үткәрде. Конкурста төрле яшьтәге балалар катнашты. Китапханәче Закирова Фирдания шагыйрьнең авыр балачагы, иҗади юлы турында сөйләде, аның китаплары белән таныштырды. Соңыннан балалар туган телгә, туган якка, аның табигатенә багышланган шигырьләр сөйләделәр. Бәйгедә катнашучыларга грамоталар тапшырылды. Чара “Туган тел” җырын башкару белән тәмамланды.

17 апрель көнне «Пушкин картасы» проекты кысаларында С.В. Михалков исемендәге үзәк балалар китапханәсендә 3 нче мәктәпнең 8а сыйныф укучылары өчен китапханәче Алевтина Асанова «Этикетное кафе: правила поведения» квест-уены үткәрде. Тәрбияле кешеләр һәрвакыт ихтирам уята. Без барыбыз да үз-үзебезне тоту кагыйдәләрен белергә тиеш: театрда да, урамда да, өстәл артында да, транспортта да һ.б. Уен барышында укучылар үз-үзләрен тоту кагыйдәләрен искә төшерделәр, «Театрда», «Җәмәгать транспортында», «Өстәл артында», «Урамда» станцияләре буйлап йөрделәр. Чара видеофильм карау белән тәмамланды.