Әңгәмә “Болгар – данлы тарихыбыз ядкаре”
23 май көнне уку залы китапханәчесе Сәлимова Т.Х., Кукмара үзәк китапханәсендә “Сөембикә” клубы кунаклары өчен, Идел буе Болгар дәүләтенең ислам динен кабул итүенә 1103 тулу уңаеннан, “Болгар – данлы тарихыбыз ядкаре” дигән әңгәмә үткәрде.
Китапханәче Идел буе Болгар дәүләтенең тарихын сөйләде. Компьютер презентациясе ярдәмендә, Болгар дәүләте тарихи-архитектура музей-тыюлыгының тарихи һәйкәлләре белән таныштырып үтте.Ахметшина Венера Хәйдәр кызы үзенең Болгарга барган истәлекләре белән уртаклашты. Хазиева Гөлшат - язучы, җәмәгать һәм сәясәт эшлеклесе Разил Вәлиевның “Борынгы Болгарда”,Гайнетдинова Гадения - халык шагыйре Роберт Миңнуллинның “Шәһре Болгарда” дигән шигырьләрен укыдылар. Чара ахырында Идел Болгарына багышланган китап күргәзмәсе белән таныштылар.