Экологический час: «В гостях у природы»
25 июнь көнне Ворошилов җирле үзидарә территориясендә,”Сөембикә” клубы әгъзалары өчен “Табигатьтә кунакта” дигән экологик сәгать үткәрелде.
Клуб җитәкчесе китапханәче Сәлимова Т.Х. чишмәләрнең тормышыбыздагы бәяләп бетергесез байлык, яшәү чыганагы булуы турында, урманнарның –җир кешесенең иң зур яшел байлыгы, зур хәзинәсе булуы турында сөйләп үтте.
Әлеге очрашуда татар шагыйрьләренең, шагыйрәләренең якташ язучыларыбызның шигырьләре укылды,җырлар башкарылды.Чарада катнашучылар шагыйрә С.Әхмәтҗанова, Л.Садриева, Г.Батталова, Ч.Мусин шигырьләрен, якташ язучылардан Р.Яппарова, Н.Сәгъдиева шигырьләрен укыдылар. Күренекле язучы Г. Бәширов сүзләренә язылган “Җидегән чишмә” җырын башкардылар. Мәдәният йорты хезмәткәре Әлфинур Юныс кызы, челтерәп аккан чишмә янында, Марсель Иванов көе, шагыйрә Сания Әхмәтҗанова сүзләренә иҗат ителгән “Чишмәләрдә керләр чайкыйм” дигән җырны башкарды. Соңыннан чишмәнең тәмле, тәнгә сихәт бирә торган суын эчтеләр. Әлеге чара табигатьтә күңелле үтте.