Татарстан Республикасы территориясендә метеорологик күренешләрнең интенсивлыгы турында консультация-кисәтү.

Татарстан Республикасы территориясендә метеорологик күренешләрнең интенсивлыгы турында консультация-кисәтү.

28 ноябрь көнне Үзәк китапханәдә "Современница"хатын-кызлар клубының чираттагы очрашуы булды. Клубның җитәкчесе В.Г. Пахомова Әниләр көненә багышланган "Ана күңеленең яктысы" исемле аралашу кичәсе әзерләде. Кичә клубта катнашучылар тарафыннан әниләре турында шигырьләр сөйләү белән башланып китте. Аннан соң һәрбер кешенең тормышында әнинең роле, аның чиксез мәхәббәте һәм фидакарьлеге турында күңелне нечкәртерлек әңгәмә башланды. Һәркем шәхси тормышындагы вакыйгаларны искә төшерде, әниләре турында истәлекләр белән уртаклашты. Әниләргә багышланган яраткан әсәрләрдән өзекләр, шигырьләр  укыдылар,әниләргә багышланган җырлар җырладылар.

27  ноябрь көнне уку залы китапханәчесе Сәлимова Т.Х.  Кукмара үзәк  китапханәсендә  “Сөембикә клубы кунаклары өчен әниләр көненә багышланган “Әни сүзе” дигән әңгәмә үткәрде. Китапханәче барлык  әниләрне зур әһәмияткә ия булган бәйрәм белән котлады. Чара барышында китапханәче бәйрәмнең тарихы,әһәмияты турында сөйләп үтте. “Сөембикә” клубы кунаклары “Кояш”, “Әнием кочагы” төркемнәренә бүленеп кызыклы биремнәр үтәделәр.Ике төркем дә бертигез баллар җыеп арада дуслык җиңде.Якташ шагыйрәләребез “Көзге ташу” китабы авторы Розалия Яппарова, “Мизгел” китабы авторы Мәгъмүрә Мәрданова әниләргә багышлап язылган шигырьләрен укыдылар.Мәдәният йорты хезмәткәре Әлфинур Юнысова моңлы җырлар башкарды.Чара ахырында китапханәче, әниләр көненә багышланган “Йомшак күңелле фәрештәләр” дигән китап күргәзмәсе белән таныштырды.