Бүген Кукмара районы башлыгы Сергей Димитриевич Димитриев икътисадның тотрыклылыгын һәм районыбызның көндәлек үсешен тәэмин итүче эшмәкәрләр белән эшлекле очрашу уздырды.
Бүген Кукмара районы башлыгы Сергей Димитриевич Димитриев икътисадның тотрыклылыгын һәм районыбызның көндәлек үсешен тәэмин итүче эшмәкәрләр белән эшлекле очрашу уздырды. Сөйләшү эчтәлекле һәм эшлекле булды: агымдагы мәсьәләләр, планнар һәм төп социаль-икътисадый күрсәткечләр турында фикер алыштылар.
Кукмара районы инде өч ел рәттән тотрыклы үсеш күрсәтә. 2025 елда тулай территориаль продукт 25 млрд сумга бәяләнә-бу 10,4% үсеш. Сәнәгать ныгый бара: төяп җибәрелгән продукция күләме якынча 7 млрд сум тәшкил иткән (үсеш — 104%). Авыл хуҗалыгы безнең көчле ягыбыз булып кала бирә: - тулай продукция-12 млрд сумга якын; — тәүлеклек савым-518 тонна; — 11 айда 170 374 тонна сөт җитештерелгән — бу 2840 тимер юл вагоны яки 7100 автоцистерна.
Инвестицияләр актив үсә - аларның күләме 8 млрд сумга җитте. Төзелеш тармагы тотрыклылык күрсәтә: 2025 елда 3,5 млрд сумлык эш башкарылган, 2026 елда инде 5 млрд сумнан артык эш планлаштырылган.
Тормыш дәрәҗәсенең үсеше аерым билгеләп үтелде: 2025 елның гыйнвар–сентябрь айларында уртача хезмәт хакы 62 602 сум тәшкил итте. Шунысы мөһим, түләүләр үз вакытында булырга тиеш — бу үзгәрешсез таләп.
Район башлыгы эшмәкәрләргә территория үсешенә керткән өлешләре өчен рәхмәт белдерде.