Кукмарада Муса Җәлилнең тууына 120 ел тулуга багышланган «Муса Җәлил – Герой-Шагыйрь» шигырьләр конкурсы үтте

2026 елның 20 феврале, җомга

С.В. Михалков исемендәге үзәк балалар китапханәсе «Ромашка» балалар бакчасы белән берлектә Муса Җәлилнең тууына 120 ел тулуга багышланган «Муса Җәлил – Герой-Шагыйрь» шигырьләр конкурсы үткәрде.

Китапханәче Фирдания Закирова балаларны Муса Җәлилнең биографиясе һәм иҗаты белән таныштырды. Балалар аның китаплары һәм шагыйрьнең балаларны бик яратуы һәм аларга байтак әсәрләр багышлавы турында белделәр.

Конкурста әзерлек төркеме балалары катнашты. Алар зур осталык күрсәттеләр, Бөек шагыйрьнең шигырьләрен сәнгатьле һәм эмоциональ рәвештә укыдылар. Конкурста катнашучыларның барысына да грамоталар тапшырылды.