Ядегәрдә клубны капремонтлаудан соң балалар күңелле итеп вакыт үткәрделәр
Ядегәр авылында «Мәдәният» илкүләм проекты (2025 елдан ул «Гаилә» яңа илкүләм проекты составына керүче «Гаилә кыйммәтләре һәм мәдәният инфраструктурасы» региональ проектына әверелде) кысаларында авыл клубын капиталь ремонтладылар. Яңартылган учреждение 2023 елда файдалануга тапшырылды. Бүген монда заманча концерт залы (182 урын), китапханә, сайлау участогы, шулай ук түгәрәкләр өчен киң кабинетлар бар. Балалар да, өлкәннәр дә иҗат белән шөгыльләнергә, үз сәләтләрен ачарга мөмкинлек бирә торган барлык шартлар тудырылган.
21 мартта Ядегәр авыл мәдәният йортында балалар өчен «Күңелле туп» дигән уен программасы узды. Балалар кызып уйнады: туп тоттылар, бер-берсенә тапшырдылар, обручка һәм кәрзинә ыргыттылар, куып тоттылар, туп белән сикерделәр. Ярышларның матур фоны булып бөтен очрашу дәвамында яңгыраган күңелле, ритмлы көйләр торды.
Мондый актив хәрәкәтчән эшчәнлек көч, чыдамлылык, осталык, зирәклек һәм сабырлык үстерә, җиңүгә омтылыш һәм иҗади фикерләү тәрбияли. Физик тәрбия белән беррәттән акыл һәм әхлакый үсеш мәсьәләләре дә хәл ителә. Нәтиҗәдә балалар күтәренке кәеф алып, дуслык мөнәсәбәтләрен ныгытты һәм сәламәт яшәү рәвешенә чын кызыксыну күрсәтте.