Кукмара районында санитар-экологик икеайлык башланды
Коммуналь һәм юл хезмәтләре хезмәткәрләре, җаваплы оешмалар берничә төрле чара үткәречәк:
рөхсәтсез чүплекләрне бетерү;
юлларны һәм тротуарларны ремонтлау һәм чистарту, тукталыш павильоннарын нормаль хәлгә китерү;
парклар, скверлар, һәйкәлләр, мемориаллар, шулай ук зиратларны чистарту һәм төзекләндерү;
йорт яны территорияләрен һәм балалар мәйданчыкларын тәртипкә китерү;
агачлар утырту һәм кисү;
предприятиеләр территорияләрен чистарту.
Шикаять бармы? Профиль хезмәтләр сорауларыгызга җавап бирә:
Рөхсәтсез чүплекләр: 2-63-02
Юл инфраструктурасы: 2-60-55, 2-82-69
Парклар һәм скверлар: 2-63-04
Йорт ишегаллары, чүп мәйданчыклары, бакчачылык ширкәтләре, гаражлар: 2-63-72
Безнең гомуми максат — районыбызны чиста һәм уңайлы итү. Язгы чисталык марафонына кушылыгыз! Беренче катнашучылар инде эштә — фотосурәтләрдә 4-нче «Ләйсән» балалар бакчасы хезмәткәрләре, алар үз территорияләрен тәртипкә китерделәр.